Torsdag 1. oktober opnar me for påmelding til Veterancup 2016!

Veterancup 2016 spelast fredag 29. januar og laurdag 30. januar. Me avrundar laurdag kveld med bankett og prisutdelingar på Lærdal Hotell.

På herresida kan ein melde seg på i klasse for old boys, veteran eller veteran 50+. På damesida er det klasse for old girls og veteran girls. For kvar klasse gjeld ei nedre aldersgrense ein må fylle iløpet av kalenderåret 2016, samt nokre unntaksreglar (sjå ‘Turnering’).

Påmelding:

• rett klasse
• storleik på t-skjorter (kan korrigerast fram til 10.12.2015)
• navn og kontaktinformasjon til lagleiar/den som melder på laget
• påmeldingsavgift skal betalast innan 10 dagar frå laget har fått plass i sin klasse/lagt ut på heimesida.

Lagliste skal fyllast ut! Navn og fødselsår på spelarar (kan/må endrast ved endringar fram til cupen).

Sjå ‘påmelding’, ‘laglister’.

• om ein veit allereie no at ein ynskjer tinge plass på veterancup-bussane frå Bergen, kan det tingast ved å sende mail til transportansvarleg (sjå ‘kontakt oss’)
• Booking/betaling av overnatting og/eller bankett skjer direkte til Lærdal hotell (max 9 plassar per lag):  okn@lerdalhotel.no  (sjå ‘Innkvartering’)

Lag som deltok i Veterancup 2015 har rangen dersom laget er påmeldt innan 31.oktober d.å. Frå 1. november vil nye lag få ledige/utvida plassar.

Parketten ventar!

No kan du pusse skoa, prikke inn toppforma, og glede deg til å møte både nye spelarar og kjende fjes frå tidlegare oppgjer!

Me gler oss!

Veterancup Lærdal – Årdal – Aurland 2016

Denne gjengen er klar for helgas Veterancup. Er du?test

Som tidlegare omtalt, så held Stordal Møbel fram med å sponsa premie til Veterancup sin beste spelar. Til dei andre premiegruppene har me i år ein ny sponsor, Hardanger Bestikk.

Hardanger Bestikk vart grunnlagt i Kinsarvik i 1958 av Odd Leikvoll, far til dagens daglege leiar, Rune Leikvoll. Hardanger Bestikk er den største industriverksemda i Ullensvang herad med 48 personar på lønningslista. Dei er Skandinavias største produsent av bestikk i rustfritt stål og har heile verda som marknad. Dei brukar prisbelønna designerar, og produkta har hausta prisar mange stader.

Dagleg leiar Rune Leikvoll er fotballentusiast på sin hals. Han er Manchester United-supporter, nok eit kvalitetsteikn (red.anm.). Han er også engasjert i lokalfotballen som trenar og tidlegare spelar. Han kjende litt til cupen frå før, og me er svært takksame for å ha verksemda hans med på laget!

Lars Einar Torsnes

Som alle andre arrangement treng også Veterancup rekruttering med åra. I dag er turen komen til Try I.L. frå Oslo. Me har prata med Gregor Holsve.

Gregor fortel at Try I.L. vart skipa for noko over 100 år sidan i området rundt Tryvann. Ski var den store idretten frå starten av, fotball kom etter kvart. Etter nokre år i dvale vart klubben driven i gang att for om lag 10 år sidan. Dei driv berre med aldersbestemt fotball opp til ca 14 år, og klubben samarbeider med naboklubbar som Heming, Ready og Røa.

Veteranlaget er sett saman av ein gjeng som trenar klubbens yngre lag, i tillegg har dei med kompisar frå ulike deler av Oslo. Dei trenar to gonger for veka, og dei spelar serie, 7-er 2. div. i Oslo. Dei kom over Veterancup via jungeltelegrafen.

Når det gjeld ambisjonar i cupen, så seier Gregor at dei vil prøva seg fram. Dei vil testa nivået og prøva å få fleire sigrar enn tap. Det er kjekt med fotball, og dei ser Veterancup som ein fin arena til sosialt samvere med gamle og nye kjende.

Me ynskjer Try I.L. velkomne til Veterancup!

Lars Einar Torsnes.