No nærmar det seg avspark for årets Veterancup. Både spelarar og arrangørar er klare.I kjent stil så har Moder Natur valgt å sette sitt preg på årets Veterancup. Uværet Tor er på veg, men vi håpar at alle spelarar kjem seg trygt fram til parketten og ikkje minst banketten.

Veterancup har fått sponsa leigebilar som skal frakte spelarane til Lærdal. Her ønskjer vi å takke både Berge & Co AS og Toyota Sogn AS.

I tillegg har Lerum sponsa ei rekke varer som kjem rett frå produksjonslinja. Her snakkar vi både saft, syltetøy og mykje anna godt.

Vel møtt til ei innhaldsrik helg.

Til Veterancup 2016 har vi gått frå å ha kamp om plassane, til å oppleve eit enormt fråfall på damesida. Heile 5 av dei påmelde laga har i tur og orden meldt om at dei ikkje klarer å stille lag.

Fram til nyleg har det vore jobba mot nye klubbar, men tidsfristen blir for kort for dei fleste, når det blir så tett innpå cupen.

Denne veka var vi i kontakt med unge rekrutt-jenter hjå Kaupanger Damefotball, og tøffe som dei er, dei tek oppfordringa på strak arm!

Med dette laget på plass, vil alle lag i old girls-klassen få likt tal kampar i innleiande rundar. I pulja med Kaupanger Young Girls, vil ikkje resultata mot dette laget telje, ein tek ikkje med seg poeng frå kampane, og laget går ikkje vidare til sluttspel. Dette på grunn av at dei ikkje fyller alders-kriteriet.

Svært sporty av gjort av dei unge damene! Ta vèl imot dei!

Stordal I.L. er vel det ein kan kalla ein av dei «mindre» klubbane i Veterancup, men dei bidreg på fleire måtar.

Stordal I.L. frå Sunnmøre er ein av dei mest trufaste klubbane i cupen vår. Dei har vore med alle gonger unntatt ein, då dei arrangerte NM i alpint for junior. Dei har tidvis stilt med to lag, og dei har vunne oldboys-klassa ein gong. I 2015 kom dei heilt til finalen i V50 der dei tapte for Brann. Hallgeir Hove fortel om relativt kort oppkøyring, men multiplisert med 40 års rutine skulle det vel bli bra.

Stordal Møbel er den andre bidragsytaren frå bygda på Sunnmøre. Dei har i mange år bidrege med flott stol til beste spelaren i turneringa. Prisen sit høgt, og vinnarane sit godt! Veterancup vil takka Stordal Møbel for denne flotte innsatsen! Me ser fram til eit godt samarbeid med alle frå Stordal i mange år framover.

Dersom de likar møblar frå Stordal er de velkomne til å dele deira heimeside www.stordal.com på Facebook.

Bestemannsprisen i år er ein RUNDE Regulerbar Kvilestol:

Me ynskjer Stordal velkomne til Veterancup!

Lars Einar Torsnes

 Veterancup skipar til quiz i samarbeid med butikken Vivendi i Lærdal.

Quizen er no lagt ut, sjå nedanfor. I tillegg vil quizen vera tilgjengleg i papirformat på Lærdal Hotell og i hallane. Det blir ein «12 rette-quiz» med varierte spørsmål. Premiane er tre gåvekort a kr 1000,- frå Vivendi AS, Lærdal. Leveringsinfo står på oppgåvearket.

Butikken Vivendi AS ligg på Øyraplassen i Lærdal sentrum. Dei har kle- og interiørbutikk, frisør og kafe i butikk. Vivendi tilbyr 20 % rabatt på alle varer under Veterancup, dette gjeld for ALLE som er knytte til turneringa; spelarar, leiarar, dommarar og funksjonærar. Ta med info frå Vivendi (blir delt ut til alle lag) som «legitimasjon». Les meir om butikken her: https://www.facebook.com/vivendilaerdal

Frist for levering av svar er LAURDAG 30.1. kl 12.00. Viser elles til oppgåvearket. Fasit og vinnarar blir lagt ut straks etter trekning. Vinnarane blir kontakta direkte pr telefon. Last ned oppgåvearket og send svara som vedlegg til larseto@hotmail.com NB! EITT forsøk pr deltakar!

Quizspørsmåla finn de i dokumentet nedanfor.

 Veterancupens 12 rette 2016

Lars Einar Torsnes

-quizmaster-

Fjorårsvinnaren i V50, Brann, er alltid å rekna med i Veterancup. Me har prata med Kjell Rune Pedersen.

Kjellien fortel at dei er godt i gang med oppkøyring of finpuss av forma. Dei har drive ulike former for trening, og sist helg var dei med i Vadmyra sin Gubbeturnering der dei slo Nordnes 3-1 i finalen. Brann stiller med mange gamle kjenningar, t.d. Neil Mc Leod, Terje Hovdenakk, Ingvar Dalhaug og Kjellien sjølv. Sjå elles under påmelding, klikk på Brann under 50+.

Når det gjeld ambisjonar, så vil ikkje Kjellien seia noko konkret om det sportslege. Dei tek ein kamp om gongen og ser kor langt det rekk. Når det gjeld det sosiale, derimot, er han klar: ha det mest mulig gøy under årets happening. På vegner av alle i Brann vil Kjellien retta ei takk til alle ledd hos arrangøren og takka for denne fine sjansen til å utfalda seg på parkett og bankett.

Me ynskjer Brann velkomne til cup!

Lars Einar Torsnes