Ham-Kam er eitt av våre mest trufaste deltakarlag. Dei har vore med alle gongene unntatt ein (stengt fjell), og dei har vunne veteranklassen heile fem gonger. Dei har såleis klart å få med seg ein pokal heim, og dei har to napp i den noverande vandrepokalen.

På bakgrunn av dette er Terje Kojedal det ein kan kalla forsiktig optimist. Han fortel at dei trenar fast ein gong i veka, to gonger når det høver. Dei har stort sett same lag som før med litt utskifte av folk. Ny av året er den ikkje ukjende Thorstein Helstad. Helstad har spelt i Tippeligaen for Brann, Rosenborg og Lillestrøm. Han hadde størst scoringssuksess i Brann der han spelte 147 kampar og scora 89 mål. Han har 38 A-landskampar og har scora 10 mål med flagget på brystet.

Som tidlegare peikar Terje på det sosiale med ei slik turnering. Det å treffa mange gamle og nokre nye kjende er ein svært viktig faktor ved eit slikt arrangement. Han rosar oss som arrangør, noko me set stor pris på. Heile laget ser fram til nok ei fin helg i Lærdal.

Me ynskjer Ham-Kam vel møtt og lykke til!

Lars Einar Torsnes

NB! Endring – kun ein buss i år pga. lita påmelding.

Veterancup vil i år ha kun ein buss som går frå Bergen til Lærdal denne helga, pga. lite påmelding. 

Frå Bergen til Lærdal fredag 27. januar:
Bussen går frå Flesland kl. 09:30, frå Nesttun kl. 09:45, frå Bystasjonen kl. 10:00.

Frå Lærdal til Bergen Søndag 29. januar:
Bussen går tilbake til Bergen kl. 10:30 frå Lærdal Hotell

Pris pr. person inkludert interntransport i helga er kr. 700,- tur- retur Bergen

Dersom de ynskjer å vere med ein av bussane, ber vi om at de tingar plass hjå transportansvarleg,
Harald Stadheim, e-post: harald.stadheim@vegvesen.no tlf. 975 26 998

Frist for å bestille av plass på bussen var måndag 16. januar, men det kan endå vere ledig plass.

Betaling:
Vi ber om at de betaler inn til Veterancup, konto nr. 3745 30 32435. Hugs å merke betalinga med klubb og antal personar de betalar for.

Fredrikstad fotballklubb vert med rette kalla aristokratane. Laget frå plankebyen har ni seriemeisterskap og elleve kongepokalar, den siste i 2006. Klubben har tre gonger vunne «The double». Me har hatt ein prat med Tom Espen Fingarsen.

Tom fortel at dei førebur seg på vanleg måte til Veterancup. Dei trenar ein gong i veka, og dei har 8-9 mann klare til cupen i Lærdal. Dette inkluderer kjende namn som Per Egil Ahlsen, Tommy Warhoel, Finn Erik «DJ» Arnesen og Tom Espen sjølv. Ambisjonane er som vanleg å vinna alle kampar og ta det derfrå. Det sosiale er sjølvsagt også viktig for denne gjengen som har stilt lag alle gongene unntatt ein.

Me ynskjer FFK vel møtt!

Lars Einar Torsnes