Kjellien tok storlaks
Brannkjendis Kjell Rune Pedersen fekk storlaks i Lærdalselvi. Ruggen vog heile 15,8 kilo.
-Fyrst trudde eg det var ein aure, men då eg nokre minutt seinare fekk sjå den gedigne laksekjeften skjønte eg det var noko stort på gang. Eg er sikker på pulsen var i to hundre, eg hadde berre ein tanke i hovudet, eg måtte få han til lands, seier Kjellien.
Konfirmasjonsmiddagen i boks
I september skal son til Kjell Rune konfirmerast, og før avreise fleipa Kjellien med at han skulle sikre selskapsmiddagen.
-Det var allereie bestemt at me skulle ha laks på menyen, eg sa eg skulle ordne det i løpet av helga. At det skulle slå til er no nesten utruleg, seier bergens gladaste laks.
Fotball og laks
I lag med fotballkjendisane Svein «Matta» Mathisen, Terje Kojedal, Pål Lydersen, Anders Giske, Claus Eftevaag og kjendiskokk Frode Aga har Kjell Rune vore i Lærdal for å fiska laks sidan fredag. I tillegg til laksefiske spelte dei og oppvisningskamp mot A-laget til Lærdal. Dette i samband med helgas Lærdalsturnering i aldersfastlagd fotball. Sjølvsagt var laksen med på turnering. Her vart den hengt opp i eit fotballmål der alle kunne tippe vekta.
Utruleg mottaking
Kjell Rune Pedersen og resten av gjengen er veldig godt nøgd med opphaldet i Lærdal.
-Ei heilt utruleg mottaking, Roald og gjengen gjer lagar eit topp opplegg. Når me i tillegg har Frode Aga som kokk, så er et liten grunn til å klage, seier Kjell Rune Pedersen storfiskaren som også tok seg tid til å dømme ein kamp på Lærdalsturneringa.
Tekst og foto: Steinar Kvigne