Norge-Færøyane x 2

Fyrstkomande fredag møtest dei  to A-landslaga til EM-kvalik på Ullevål stadion. Det blir likevel nærast å rekne som oppvarming til det som skjer på Veterancupen i Lærdal i januar neste år. Då er det klart for knallhardt oppgjer mellom dei  to landslaga sine veteranar.

Veterancupen har ei tid arbeidd med å få til ein klasse for landslag, og i år ser det til å bli ein realitet. Roald Flodsand har allereie fått bekrefta at Færøyane og Norge stiller lag med sine tidlegare heltar.

– Færøyane stiller med keeper Jens Martin Knudsen (65 landskampar), Kari Reynheim (27 landskampar), Kurt Mørkøre  (37 landskampar ), Alan Mørkøre (55 landskampar), Todi Jònson (46landskampar), Christian Høgni Jacobsen (50 landskampar), Julian Johnson (72 landskampar) og Jákup á Borg (72 landskampar).

-Mange hugsar sikkert Kurt Mørkøre frå han spelte for Sogndal. Så dette blir bra, seier Roald.

Målet er i fyrste omgang å få fem tidlegare landslag til veterancupen.  I utgangspunktet då dei nordiske.

– Me har gode kontaktar mot Finland, og ha fått positive signal frå Olafur Bjarnason  når det gjeld Island, avsluttar Roald.

Steinar Kvigne