Jondal er klare atter ein gong!
Ein gammal travar er vel eit godt uttrykk
når ein snakkar om Jondal I.L. i Veterancup.
Me har hatt ein prat med primus motor Atle Sollesnes.
Dei har vore med i mange år, og dei vart i
fjor vaksne nok til å delta i V40. Frå
før hadde dei ein oldboysfinale i beltet, og i fjor debuterte dei altså i veteranklassen. Der møtte dei bl.a.
Manchester United. Jondal vann heile 9-0 (!), og er såleis det mestscorande
laget mot The Red Devils på norsk jord, for ikkje å seia golv…
Atle fortel at dei stiller med stort sett
same lag som tidlegare, inkludert den svenske vaktmeisteren. Dei rapporterer om solid form, og dei tek ein
kamp om gongen. Moro blir det uansett!
Me ynskjer vel møtt og lukke til!
Lars Einar Torsnes
Byen e Bergen og laget e Brann!
Årets turnering er knappe tre veker unna,
og redaksjonen kjem i tida framover til å ta pulsen på ein del av deltakarlaga.
Først ute i år er Brann og Kjell Rune
Pedersen som er ansvarleg for klubben sitt 50-årslag.
Kjellien fortel at Brann er i rute, men at
laget ikkje er heilt klart enno grunna nokre småskader. Han seier at stamma i
laget held koken, og kjenner me Brann rett, så er dei svært lystne på å stiga
til topps på pallen. Når det gjeld Brann
sitt 40-årslag, så er det Cato Guntveit sitt «bord». Me har ikkje lukkast i å få tak i Cato, men
me veit at dei har eit godt lag med gode fotballnamn.
Veterancup betyr
alvor, moro, prestisje og sosialt samvær. Kjellien framhevar,
som vanleg, det sosiale med musikk, dans, god mat og sunn drikke som ein viktig
berebjelke denne helga. Han og laget har starta nedteljinga til Veterancup
2014, og dei ser fram til å møta mange gamle og kanskje nokre nye
fotballvenner.
Me seier vel møtt!
Lars Einar Torsnes
Bussinfo 2014
Angåande bussinfo som vart lagt ut i desember viser det seg at det er lagt ut feil liste. Transportansvarleg saknar påmeldingar. Muligens er desse sendt til feil mailadresse. Me ber om at dei som har meldt seg på busstransport gjer dette på nytt. Sjå vedlagde info.
Bussinfo 2014Skriv i gjesteboka
Vel overstått jul alle sammen ! Det er på høg tid å begynne å tenkje på turnering om ein mnd. For dei som ikkje har begynt å prikke inn fortballformen er det enno ikkje for seint.
Veterancupleiinga med andre har lyst å fylgje dykk fram mot turnering. Skriv gjerne nokre ord i gjesteboka vår. Gjesteboka er litt anleis enn den har vore tidlegare. For å legge inn innlegg må de etter å ha valgt gjestebok i menyen, trykke på «skriv i gjesteboka» til høgre i bildet. Da opnar det seg ei ny rute. Der skriv de meldinga dykkar. Underteikna utfordrar alle lag til å skriva inn.
Ynskjer fortsatt god jul og eit godt nyttår.
publisert: ruthl@mail.ardalsnett.no
Resultat julekalender
Vinnarane i årets julekalender vart Rut Loftesnes og Arvid Huun, begge med fullt hus. Vinnaren av deltakarpremien vert kåra under Veterancup.
Lars Einar Torsnes
-quizmaster.
Innsending av laglister
Viktig melding ved innsending av laglister:
Dersom klubbane har med fleire lag, vil eg be om at de skriv klassen de deltek i – i tillegg til klubbnamnet i fyrste linja. TD Førde oldboys og ikkje berre Førde. (Sjølv om de vel td oldboys i nedtrekksmenyen under).Da sparar de oss for litt arbeid når vi skal kobla dei ulike laglistene saman med rett klasse.
Takk 🙂
25 000 til aldersbestemt fotball
Veterancupen blir snart arrangert for 16. gong. No er ein del av overskotet frå førre cup gitt til fotballspelande born.
Julekalender 2013
Da er det tid for årets julekalendar for veterancup. Reglane er som tidlegare år. Svar må sendast på mail (larseto@hotmail.com) eller sms 90 88 12 67 innan midnatt den dagen spørsmålet gjeld for. Er det spørsmål ta kontakt med Lars Einar.
Luke 24: Quizmaster Lars ynskjer god jul med denne: Ein nordmann som har vore med i veterancup, var på årets lag i Bundesliga i 1985/86 sesongen. Kven er det ?
Svar 24: Anders Giske.