Innkvartering ifm Veterancup 2015
God Jul og Godt Nytt År til dykk alle!.
Veterancup 2015 nærmar seg, og det er også i år lagt opp til at vi skal kunne innkvartere alle i Lærdal, fordelt på Lærdal Hotel, Granden Hotel, Lærdal Ferie og Fritidspark og Sanden Pensjonat.
Innkvartering
Endeleg oversikt over kvar laga vert innkvartert, vert lagt ut på www.veterancup.no medio uke 3. Vi har lagt til grunn at kvart lag stiller med maks 9 spelarar. Vi må difor få tilsendt namnelister på e-post til okn@lerdalhotel.no, med ynskje om rom-fordeling innan 11 Januar. Vi vil primært innkvartere alle deltakarane i 3 – og 4 – sengs rom.
Atterhald:
Vi tek atterhald om at det kan kome endringar på overnattingsstad etter at den er lagt ut på nettsida.
Betalingsinformasjon:
Førehandsbetaling for samtlege som skal ha overnatting må finne stad innan 12. Januar, og innbetalinga vil bli registrert som endeleg stadfesting for innkvartering.
Avbestilling:
Bestilling av overnatting er bindande ved innbetaling, og vert ikkje refundert. Dei fleste har eigen forsikring som dekker avbestilling ved sjukdom mm. Sjekk at du har slik forsikring (veldig ofte inkludert i kredittkort), eller vurder å skaffe slik forsikring.
Innbetaling
Alle lag betaler inn til Lærdal Hotel, konto nr. 3705.10.58136, kr. 2445,- pr. pers. Beløpet dekker overnatting med frukost begge dagar, middag og dans fredag samt bankett og dans laurdag.
Vi ynskjer lagvis innbetaling. Dersom deltakarar likevel betalar direkte, er det viktig å skrive på kva lag vedkomande tilhøyrer og at LAGLEDAR FORMIDLAR DETTE.
Ser fram til å høyre frå Dykk med endeleg stadfesting, og i mellomtida vil vi ynskje dykk alle ei fortsatt god jul, og eit retteleg godt nytt år.
