Turneringa nærmar seg, og dei ansvarlege for transport har sett opp ei oversikt over avgangstider, prisar og anna. Me gjer merksam på at det kan bli endringar. Bussinfo 2014

Stordal Møbler har vore sentral sponsor i Veterancupen i mange år. Dei har sponsa  bestemannspremie i form av «godstol»  til flere av turneringens beste spelar gjennom dei siste åra.  Bestemannspris 2013  I vedlagte lenke kan de sjå den flotte stolen frå Stordal Møb

Me er glade for at Stordal er på lag med veterancupen og er svørt takksame for gåva frå dei kvart år.

Ny flott stol frå Stordal Møbler til turneringas beste spelar!

 

Stordal Møbler frå Stordal har heilt sidan Veterancupen sine første år, støtta opp om dette flotte arrangementet. Som ein del av det nære og gode samarbeidet, har Stordal Møbler kvart år også gitt ein flott stol til arrangementet. Denne vert delt ut til turneringas beste spelar. For alle dei som har kjennskap til møblar og innreiing, veit ein at det som kjem frå Stordal verkeleg er av høg kvalitet og stil. Det er nettopp m.a. dette som gjer at verksemda kan hamle opp i konkurransen med dei mange som leverer møblar til langt lågare pris. Stordal sine møblar finn ein difor att over heile verda. Verksemda har etablert seg med utsal i ei rad europeiske land og i dei seinare åra også land som t.d. Kina. For meir om alt det Stordal Møbler AS kan levere, viser ein til heimesida til verksemda.  http://www.stordal.com

”Menneskene bak merket STORDAL og produktene vi fremstiller, er et resultat av vakre og krevende omgivelser i et landskap av majestetiske fjell og dype fjorder. Dette bidrar til å forme vår kultur, vår hverdag og naturligvis produktene vi designer. Det nordiske formspråket har helt fra starten av vært forankret i vår design, og det treffer kvalitetsbevisste mennesker som er opptatt av det enkle, det funksjonelle og det vakre i et møbel.”

 

På banketten kvart år, vert prisen til beste spelar delt ut og det er etterkvart mange meritterte karar som har motteke stol frå Stordal Møbler. Her kan vi nemne namn som Brian Laudrup og Paul Walsh, der førstnemnte kanskje er den beste spelaren som har vore med under Veterancup.

 

Det gode samarbeidet Stordal har med Veterancup er også knytt til at lag frå Stordal IL har vore med i turneringa heilt sidan oppstarten for 15 år sidan. Stordalsspelarane har kvart år teke med seg stolen nedover til turneringa, men denne gongen vart det vanskeleg å få til busstransport nedover. Dermed vil ein syte for å få sendt stolen til vinnaren i etterkant av årets turnering. Men alle som stiller til kamp ute på parketten, skal uansett vite kva premie som ventar (sjå eige bilde av den flotte stolen). Det er grunn til å tru at det er mange som vil meine at nettopp dei fortjener denne, trur du ikkje Kjelli?  

 

Det er heller ikkje til å legge skjul på at det både på Sunnmøre og andre stadar er blitt lagt merke til at laget frå lille Stordal, med sine vel 1 000 innbyggjarar, mang ein gong har hamla opp med dei store under Veterancup. Ja faktisk har laget vårt klart å gå heilt til topps, då vi slo Brann i finalen i 2002. Sjølvsagt litt pinleg for Brann, men stor stas for oss då!

 

Både Stordal og Stordal IL har på denne måten sett sitt preg på Veterancupen og vi er sjølvsagt litt stolte over nettopp det.

 

Når Veterancupen no feirar 15 års jubileum er det også på sin plass å rette ei stor takk til arrangørane for at vi har fått høve til vere med i alle desse åra. Kun den som står midt oppe i førebuingane til eit slik stort og flott arrangement, veit kor mykje arbeid som ligg bak. Men for alle oss som får gleda av å delta, kan vi ane at det ligg tusenvis av dugnadstimar bak og det kvart einaste år!

 

Hurra for Veterancup og gratulerer med jubileet!  

 

Helsing frå oss i Stordal

 

Me i arrangementstben frå Årdal er sjølvsagt glade for at ein av våre lokale heltar, oppvaksen i Øvre Årdal vaktar buret for fotballaget frå Stordal.  Kai Magne Stokkeland.

Nedanfor kjem oversikt over prisar som vart delt ut under årets turnering:

Julekalenderen til Larry’en vart vunnen av Team Pedersen ( Brødrene Kjell Rune Pedersen og Terje Hovdenak Brann)

Bit for bit konkurransen vart vunnen av Rut Loftesnes, Kaupanger

 

Bestemann/kvinne:

Oldboys: Bernt Helge Nilsen, Førde

Oldgirls: Åse Nerås, Kaupanger

Superveteran: Atle Torvanger Sogndal

Veterangirls; Jannicke Juvik, Follese

Veteran: Stig Inge Bjørneby, Strømmen

 

Turneringens beste spelar vart Jannicke Juvik, Follese. Stol frå Stordal møbel vert sendt.  (Fint om Jannicke sender fullt namn og adresse til underteikna)

Meir frå turneringa kjem snart.

 

Stordal – Viking

 

 Stordal – Manchester United

 

Det vart alltid ein del endringar i oppsettet når tida nærmar seg. Det endeleg oppsettet med dommarfordeling ligg vedlagt. Velkommen alle.

 Endeleg kampoppsett

Sist veke var det lagt ut «annonse» der me lyste etter keeper til United.  Me fekk jammen litt av ein bunke å velja i og den heldige vert offentleggjort innan kl 16.00 i morgon.

Publisert: ruthl@mail.ardalsnett.no