Veteran 50: Fjorårsvinnar Bærum er klar!

Eit av dei mest trufaste laga i Veterancup er Bærum Sportsklubb. Dei er med for 15. gong, i år som tittelforsvarar i V50. Me har prata med Henrik Pedersen.

Henrik fortel at spelarane på Bærum veteran 50 er spreidde litt rundt omkring, og dei spelar for ulike klubbar gjennom sesongen.  Veterancup er såleis eit flott høve til å samla gutta boys til årets happening. Henrik har berre godt å seia om veterancupen, det sosiale er klart det viktigaste, sjølv om det naturlegvis er gjevt å ta pokalen med heim.

Henrik avslører med sin jærdialekt at han ikkje berre har spelt fotball i Bærum. Han er frå Bryne, og han var med på jærbuane si første storheitstid på 70-talet saman med karar som Geir Herrem, Asgeir Kleppa og Gabriel Høyland.

Når det gjeld årets ambisjonar, så kan Henrik melda om nokre skader i troppen.  Dei går litt forsiktig ut på førehand, men me mistenkjer dei for å prøva å gå under radaren og dukka opp når det gjeld som mest.

Me takkar for praten og ynskjer vel møtt!

Lars Einar Torsnes.