Intervjuet: Eva Gangstad – Midsund Old Girls

Denne gong er turen komme til Midsund Old Girls og Eva Gangstad. Les hennar tankar om årets Veterancup.Kva heiter du og kor held du til i det daglege?

Eva Gangstad, bur i Midsund, ein øy-kommune med vel 2000 innbyggjarar, som i luftlinje ligg midt mellom Ålesund og Molde – men me sei «i», så Molde er byen vår! ?

                               

Kva lag spelar du for under veterancup 2015?

Midsund O(M)G

 

Kva klasse deltek de i?

Old Girls.

 

Kan du seie noko om spelarane på laget – kva lag har dei spela for i serien tidlegare år?

Me er 8 utskremte spelarar i år, alderen er frå 34 – 48 år. Me har spela fotball i lag i frå 15 – 25 år. Alltid for Midsund! Me er aktive enno – saman med døtrer, tanteungar osv…. Alle bidreg vi/har bidratt aktivt i klubben som styremedlemmer, trenarar, dommarar, oppmenn osv…

                               

Kva veterancup-deltaking huksar de best, og kvifor?

Me huskar godt vårt første år, trur det var i 2007. Minibuss, drittvær, holkeføre over Hornindal, eit utal tissepauser av ymse årsaker – og det var KALDT i Lærdal!! Men du verden så kjekt me hadde det! Damer var i fåtal under banketten og vi sat strategisk til, rett ved dansegolvet, og bydd opp til dans vart me. Bordet vart også brukt som dansegolv – heilt til vaktene røska oss ned att. Trur me følte oss litt heime frå første sekund. Med unntak av 2013 har me vore på cupen kvart år sidan – fordi det er så utruleg kjekt.

 

Kva ambisjonar har de for 2015-cupen – blir de å sjå i finalespel?

Finalespel sjølvsagt – me har allereie ei inne-trening bak oss, der me på mirakuløst vis klarte å unngå meir enn ein strekkskade kvar, så me føler me er i siget og godt i gang….

 

Kven tenker du er dei tøffaste konkurrentane i kampen om gullet?

Tøffaste konkurrenten er nok oss sjølv skal du sjå, men Kaupanger kan by på trøbbel… Trur du ikkje det, Mona?

 

Tusen takk!

 

 

Velkomne til Veterancup 2015!