Ham Kam er i anmarsj!

Få lag er så trufaste mot Veterancup som
HamKam. Dei har vore med alle gongene unntatt ein, då stengde fjellovergangar
hindra dei.  Me har prata med Terje Kojedal.

Terje rapporterer om ein nokolunde fast
gjeng som trenar 1-2 gonger i veka.  «Mer bør en vel ikke utsette kroppen for i vår
alder sjøl om hue er 25».  Dei har hatt eit par skader, m.a. manglar dei sin faste
keeper.  Sidan Bosmanmarknaden for veteranmålvakter
er nokså avgrensa også på Hedemarken, løyser dei dette i god dugnadsånd ved å
rullera på jobben.

 

Dei sportslege ambisjonane er å forsvara
tittelen frå i fjor då dei slo Strømmen 4-3 i finalen.  Likevel vil ikkje sindige hedmarkingar flagga
dette altfor høgt, og skulle det sportslege gå skeis, så er det berre å leggja
alle klutar til på banketten!

 

Me seier lukke til og vel møtt!

 

Lars Einar Torsnes.