Ham-Kam er klare for ei ny helg i Sogn….

….da var det på`n igjen for Ham – Kam også.  Nettsida har snakka med Terje Kojedal i kveld som fortel at alt er klart for ny tur til Sogn og Veteranturnering i helga.

Utan at nettsida er heilt sikker, så trur me at Ham-Kam er blant dei laga som har delteke alle åra.  Kojedal svarar slik når nettsida stiller spørsmål om deira forventa resultat i årets turnering:

«Me hadde veldig store forventningar etter at me vann den fyrste turneringa.  Men for kvart år som har gått har resulta berre gått ein veg. Men me skal stå på og gir oss ikkje utan kamp.»

Kojedal og Ham-Kam har som nemnt tidlegare dommar Henry Øberg med til Sogn.  I tillegg har dei med eigen lege og sjukepleiar.

Sogningane, og spesielt Årdølene vil nok retta oppmerksomheiten ofte mot Ham-Kam når vårsesongen og dei norske kampane tek til att for fullt.  Som sikkert alle fotballinteresserte sogningar har fått med seg, så har den tidlegare Sogndalsspelaren og Årdølen Tommy Øren innteke Hamar og Ham-Kam.

For dei som IKKJE har fulgt med, kan nettsida nemna att Tommy scora sitt fyrste mål for Ham-Kam i ein treningskamp sist veke.  Så dette lovar godt.

Ham-Kam spelar sin fyrste kamp mot Florø i Tangenhallen kl. 19.45 fredag 27. januar.

web-ansvarleg: Ruthl@indresognbil.no