Viking er, som alle veit, ei storheit i norsk fotball, Veterancup medrekna.  Me hugsar syttitalet med fire strake gull i 72-75 og The double i 79. I Veterancup har Viking vore årvisse gjester, og dei har vunne 50-klassen dei tre siste åra. Kanskje dei tek den fjerde og dermed kopierer gullalderen frå 40 år sidan?  For å få klarheit i dette har me hatt ein prat med Finn Krogh. Finn var med på The double i 79, og me må også nemna at han tok cupgull med Brann i 82 då dei vann 3-2 over Molde.

Finn fortel at dei i år stiller i V40 og V50.  Dei har ikkje laga heilt klare enno, men dei har ei god stamme med litt inn og ut av mannskap. Dei trenar ein gong i veka.  Finn vil trekkja fram det gode samarbeidet dei har med Haugesund. Viking har «overteke» spelarar frå Haugesund når arabarane ikkje har stilt lag sjølve. I år gjeld dette Roger Føleide, Jens Egil Vikanes og Åge Risanger.

Når Finn skal gje karakter til Veterancup, er det mange pluss i margen.  Han karakteriserer turneringa som ein kjekk møteplass der ein møter gamle og nye kjende til kappestrid og sosialt samvær. Det er kjekt med konkurranse slik at det ikkje vert berre bankett. Finn tykkjer det alltid er kjekt å koma attende til Lærdal, også fordi han sjølv budde Lærdal i ei årrekkje.

Finn har litt minus i margen også. Han seier at det tidvis har vore vel mykje folk, spesielt på banketten, men at dette har retta seg dei seinare åra. Det kan også bli litt stress med transport mellom hallane, men dette er småplukk, seier han.

Viking sine ambisjonar er å vidareføra sigersrekkja i V50. I klasse V40 har dei aldri vunne, men dei vil prøva i år. I denne klassen har det blitt nokre «nesten» utan at dei har klart å setja kruna på verket.

Me takkar for praten og ynskjer Viking vel møtt.

 Lars Einar Torsnes

Som annonsert i diverse media, har Manchester United bruk for ein kapabel keeper til Veterancup 2013. Vedkomande må vera fødd 1977 eller tidlegare. Rette vedkomande må vera i god form og sjølvsagt ha keeperferdigheiter på brukbart nivå.

Bilete er henta frå nettsida google.

Er du interessert? Send ein mail til post@hardangerfjordvegen.com der du presenterer deg. Den som blir utvald, blir offentleggjort på nettsida seinast 21.1.

Mvh

Veterancup 2013

Jondal I.L. er ein gammal travar i Veterancup. Dei har tidvis bite godt frå seg med finaleplass i Old-boys som beste prestasjon. Bra jobba av laget frå Hardanger. Dei er (sjølvsagt) klare også i år, og omsider har dei innsett at åra går og at me alle blir eldre; dei har no rykka opp i veteranklassen. Dette fortel styrmann Atle Sollesnes.

Laget består av lokale heltar pluss nokre innleigde.  Spelarane er busette litt rundt omkring, men dei satsar på at talent, entusiasme og rutine skal vega opp for eventuell manglande samtrening.  Jondal er også kjent som laget med eigen vaktmeister med verktøykasse, den noverande «svensken» Jan Inge Eide.

Med gode prestasjonar frå Old-boysklassen i bagasjen, er Jondal spente på overgangen til Veteran. Dei stiller med omtrent same lag som i fjor, og det skal bli kjekt å møta nye og kanskje «større» lag enn før. Dei tek kamp for kamp og gjer opp status deretter.

 Me ynskjer Jondal lukke til i årets cup!

Lars Einar Torsnes

Etter tre bilder av bit for bit konkurransen, er det Damene som ligg i tet.

Rut Loftesnes frå Kaupanger har fullt hus ( 9 poeng) medan Renate Walle har 8.  Arvid Huun har også 8 poeng.

Dei engelske spelarane er no offentleggjort i andre media, så frå i morgon går vi over til norske spelarar som har delteke i Veterancup.

Publisert: ruthl@mail@ardalsnett.no