Kampoppsett!
Kampoppsettet er no klart. Klikk på biletet «Veterancup Live» her på sida, så kjem du inn på Profixio. Deretter klikkar du deg vidare på dei ulike klassane.
Lars Einar Torsnes
Buss til / frå Lærdal.
Veterancup set også i år opp bussrute frå Bergen til Lærdal og retur i samband med turneringshelga i januar.
Frå Bergen til Lærdal fredag 30. januar:
Bussen går frå Flesland kl 11.00, frå Nesttun 11.10, frå Bystasjonen 11.30, frå Åsane 11.50. Ankomst Lærdal 16.00.
Frå Lærdal søndag 1. februar: Bussen går frå Lærdal Hotell kl 10.30.
Pris per person inkludert interntransport i helga er kun kr 850 tur/retur Bergen.
Dersom de ynskjer å vera med bussen, ber me om at de tingar plass hjå transportansvarleg Harald Stadheim, harald.stadheim@laerdal.kommune.no – tlf. 975 26 998.
Me håpar at de vel å følgja oss på bussen! Me set pris på om de er tidleg ute og tingar plass.
Busstider kan bli endra, så følg med på heimesida vår!
Dersom det blir for få påmelde, tek me atterhald om at bussruta kan bli avlyst.
Betaling: Me ber om at de betaler inn til Veterancup på konto 3745.30.32435. Hugs å merka betalinga med klubb og antal personar de betaler for.
Helsing oss i Veterancupen
Påmelding av lag: Få opp farten!
Påmeldinga går sin gang, og klassane damer 50+ og herrar 60+ er no i utgangspunktet fullteikna. Dersom fleire vil vera med der, kan me setja dei på venteliste, eventuelt kan dei spela i ein lågare aldersklasse. Nokre klassar er førebels litt «tynne», så folk må hiva seg rundt og melda på lag. Me minner om at prisen stig med 1000 kroner etter 15.12.
Lars Einar Torsnes
Klar for Veterancup 2026?
Meld på laget ditt før 15. desember, etter denne dato aukar prisen med ein tusenlapp. Velkomne til fotballfest siste helga i januar i 2026! 👟⚽️✨
Påmelding finn du her: https://www.profixio.com/app/veterancup-2026
Video: Roald Flodsand (venstre) og Steinar Kvigne.
Nok ein ambulanse til Ukraina
Mange var samla ved Lærdal sjukehus då «Fotball for Ukraina/Veterancupen» fredag tok i mot ambulansen gitt av Helse Førde.
Tidlegare har helseføretaket gitt ein brukt ambulanse til Ukraina, og fredag var
administrerande direktør i Helse Førde, Arve Varden på plass for å overrekke nok ein bil. I
tillegg til folk frå helseføretaket var, representantar frå Veterancupen, fotballkrinsen og
ordførarane i Lærdal, Årdal og Aurland til stades.
Stort behov
Roald Flodsand i Veterancupen takka for bilen, og la vekt på kor mykje dette betydde for
fok i det krigsherja landet Ukraina.
– Me er veldig glade for at Helse Førde gjev oss denne ambulansen, for behovet i Ukraina er enormt, sa Flodsand. Arve Varden sa det var ei stor ære å kunne bidra til eit slikt tiltak og skrytte av engasjementet Veterancupen viste for å hjelpe folk i Ukraina i den vanskelege situasjon dei står i.
Tekst: Steinar Kvigne
Foto: Karoline Thyri, Elisabeth Thyri (øvste bilete).
Kva betyr VeteranCup’en for deg?
Me lader opp til helga med video, satt saman av fine samtalar me hadde under VeteranCup’en i fjor. Høyr kva eitt knippe nye og gamle veteranar tenkjer om cupen med over 25-års fartstid. Me gler oss til å skape nye augneblink for minnebanken, når me møtest att til helga. Velkomne skal de vere til VeteranCup 2025! Sjåast me? 👟⚽️✨
Intervju med:
Kjell Rune Pedersen, Åse Neraas, Børre Meinseth, Vitaliy Reva, Sigurd Rushfeldt, Gry Johannessen Flaa, Finn Erik Arnesen, Jákub Mikkelsen, Zurab Khizanishvili, Vegard Skogheim, Christian Grindheim og Roald Flodsand.
Reporter: Steinar Kvigne
Video|tekst: Karoline Thyri
Kampoppsett!
Kampoppsettet er no klart. Det blir kampar berre i Aurland og Lærdal i år. Du finn oppsettet ved å klikka deg inn på «Veterancup live» her på framsida. Deretter går du inn på «kamper» og så navigerer du vidare i menyen. NB! Det kan koma mindre endringar, så følg med, gjerne kvar dag.
Sogn Sparebank held fram som hovudsponsor til Veterancupen
Lokalbanken har avdelingar fleire stader i Sogn, og ei avdeling i Bergen. Banken har i fleire år vore ein viktig bidragsytar til cupen. No opnar dei igjen pengesekken, med eit solid økonomisk bidrag til til årets cup.
Ragnhild Skahjem Tofastrud i Sogn Sparebank er glad for å gje midlar til Veterancupen. 
– Sogn Sparebank vil bidra til at Sogn vert ein endå betre plass å bu og vekse opp i. Me meiner Veterancup er ein møteplass som bidreg positivt både sosialt og sportsleg. I tillegg håpar me næringslivet nyttar godt av mange tilreisande denne helga. Lukke til, seier Ragnhild Skahjem Tofastrud.
Ho håpar publikum møter opp i hopetal, og at det vert mange gode opplevingar både på og utanfor bana.
Roald Flodsand er glad banken framleis er med på laget.
– Eit svært viktig økonomisk bidrag som er med å held liv i turneringa. Indirekte støttar dei og barneidretten i dei tre kommunane Lærdal, Årdal og Aurland, seier turneringsleiaren. Veterancupen vert skipa til siste helga i januar med kampar i Lærdal, Øvre Årdal og Aurland.
Steinar Kvigne
Stordal Møbel sponsar Veterancupen i Lærdal-Årdal-Aurland!
Som så mange gonger før, så sponsar Stordal Møbel hovudpremien til beste spelar uansett klasse i Veterancup. Dette er me som arrangørar svært takksame for.
Biletet syner Kjell Erik Ødemark frå Nordnes som prøver stolten til ære for fotografen i 2024. Ødemark vann ikkje hovudpremien sjølv, men til gjengjeld ordna han det slik at gullet kom hem til Bergen og Nordnes då dei vann eldste klasse, V60+.
24.-24. januar brakar det laust att, og me ynskjer lag, dommarar og publikum velkomne i hallane i Årdal, Aurland og Lærdal.
Viktige meldingar til laga!
Laga må merka seg dette:
Påmelding: Hugs å stadfesta påmelding! Frist 10.1.
Hotell: Hugs å leggja inn overnatting. Sjå heimesida under «Overnatting» (okn@strynhotel.no), tlf til Ole Kristian Nedberge: 93 00 93 92
Laglister: Husk å senda inn laglister, kan sendast på mail til Jan Tore Stølen (yjanto@hotmail.com)
Behov for buss? Hugs å melda på til Harald Stadheim (harald.stadheim@laerdal.kommune.no), tlf 97 52 69 98
Lars Einar Torsnes