Førde – tittelforsvarar i Old boys

Førde har dei siste tre åra laga «hat trick» i old boys-klassen. Dei må såleis reknast mellom favorittane også i år. Me har prata med Rune Førde.

Me når Rune på telefonen i det dei har lagt bak seg nok ei trening.  Dei trenar to gonger i veka, og kampformen blir pleia med deltaking i diverse cupar, t.d. i romjula. Dei spelar ikkje fast i nokon serie. Uansett så seier Rune at det sosiale er viktigast. For å bidra til den kulturelle biten under Veterancup, har Stig Hafstad etter sigende øvd inn nokre nye stev. Underteikna er oppriktig interessert i folkemusikk, eg håpar at eg blir invitert til konsert.

Førde stiller med om lag same tropp i år som i fjor, og dei går sjølvsagt inn for å forsvara fjorårets tittel. Det går rykte om at dei ladar opp med spelet «4 på rad».

Rune vil på vegner av spelarane gje ros til alle deler av arrangementet; hotellet med god mat, god musikk og god stemning, arrangørane som held dette i gang og dommarane som gjer ein framifrå jobb!

Me takkar for praten og ser fram til gode prestasjonar både med ball og songstemme!

 

Lars Einar Torsnes.