Veterancup 2015 med eigen fastlege og fysioterapeut!
Me har klart å få til eit lite intervju med Veterancup sine nyervervingar i medisinsk støtteapparat!
Kva heiter du, kor held du til, og kva lag spelar du på i Veterancup 2015?
Fysioen: «Jori S. Skorve. Eg bur i Sogndal, spelar på Kaupanger Old Girls og jobbar til dagleg som fysioterapeut. «
Cuplegen «Eg er Doktor Brede Skorve. Eg bur i Sogndal og spelar på Sogndal Veteran.»
Jori og Brede er sysken. Dei deltek som spelarar på veterancupen i Lærdal, men er også spurt om å vera ein del av det medisinske støtteapparatet under cupen. Dette stiller dei seg positive til, og tilfører dermed cupen både fysioteraput og lege.
Dei har begge delteke fleire år på Veterancupen i Lærdal. Rykta har til tider gått varmt mellom dei andre laga, med mistankar om at dei respektive laga har sine eigne hemmelige oppskrifter?…
Jori, Kaupanger sine old girls har teke gull fleire ganger – kan det rett og slett vere på grunn av eigen fysioterapeut på laget? Har du spesielle knep og tips du kan dele med andre?
Fysioen: «Ingen kommentar!»
Sogndal veteranherrar sine medisinske vurderingar er hemmelegstempla, men ein undrast på om det er eigen lege som gjer at karane her held seg tilsynelatande evigunge og skadefrie? Kva resept kan du anbefale?
Cuplegen: «eg har teieplikt, så det kan eg dessverre ikkje sei noko om her.»
Temaet vil verken Jori eller Brede kommentere ytterlegare. Dei meiner det er viktig å sjå framover og heller ha fokus på KVA KAN EIN GJERE FOR Å HALDE SEG SKADEFRIE UNDER/ETTER CUPEN?
«Bortsett frå mål om å vinna turneringa, vil eg tru dei fleste har som mål å halde seg skadefrie og komme heim att både oppreist og gåande. For å halde seg skadefri er det ein del faktorar ein må ta omsyn til, og me ynskjer at deltakarane tenkjer gjennom desse forut for, og undervegs i turneringa» seier fysioen Jori Skorve.
Jori og Brede nevner fleire faktorar som disponerer for skade: –
- Dårleg treningstilstand
- Dårleg øvelsesutvalg
- Dårleg teknikk
- Dårleg beveglegheit (denne ser ut til at blir betre utover kveldane/ på dansegolvet…)
- Dårleg treningsplanlegging (for mykje, for hardt, for fort….)
- Overtrening (Relevant…?)
- Utmattelse (meir relavant…!)
- Søvnmangel (mest relevant…?!)
- Uforsiktighet/ uhell/ regelbrot – her ber me alle følgje fair Play reglane både på og utanfor bana/ dansegolvet…
- Dårleg baneforhold (kan ikkje påklagast)
«Me veit at spelarane på veterancupen er tidlegare utøvarar på høgare nivå, og eg reknar med desse faktorane er kjende og noko ein har teke omsyn til gjennom heile året» seier Brede, «Spelarane opparbeider eit solid og allsidig treningsgrunnlag, og har periodisert treninga slik at ein når formtoppen siste helga i januar!»
Kva turnering hugsar de best?
«Den siste»
Okay… huksar de generelt dårleg, eller kan det vere genetisk?
«Det siste» seier dei samstemde.
Kor er det me finn dykk på Veterancupen?
«Me vil fungere som medisinsk personell i dei hallane me sjølve spelar i. Me kan nåast via arrangør, men må presisere at det medisinske apparatet kun har ansvar for seg sjølve etter at dei har innteke hotellet»
Brede presiserer også at han kunn fungerer som FASTlege – og ikkje som FESTlege…! Cupen støttar han sjølvsagt på det punktet!
«Me vil ynskja alle ei strålande god og skadefri turnering!
Let the games begin and the best team win!” seier dei to, med tommel opp!!!
Veterancup takkar for praten!
Lykke til!