Lag til Veterancup 2011

Spelarlister

Me oppmodar lag om å sende inn navnelister no!
Under klubbnavn skriv de ned alle spelarane som skal vera med og fødselsår. Skriv også ned kontaktperson og telefonnummer til denne, som de kan nåast på framover og iløpet av veterancuphelga.

Listene finn de under ’Påmeldingsfana’ – VIKTIG at de fyller informasjonen på akkurat det skjemaet! Listene blir skrivne ut og brukte i sekretariatet under kampane. Endring av listene kan de sjølvsagt gjera heilt fram til turneringsstart.

Førebels vil vi kunn bruke lista til å fylle info under det påmeldte laget på heimesida, slik at engasjerte spelarar allereie no kan sjå kven som skal møtast til duell!

Ledig plass til fleire lag

Somme klassar er fullteikna. I superveteran (50+) ser vi gjerne at det melder seg på 2 lag til. Så oppfordre lag de kjenner i denne modne aldersgruppa, til å hive seg med!


I dei andre klassane er det no fullt. Men vi oppfordrar likevel lag som er interesserte om å melde seg på. Av erfaring veit vi at ’ting skjer’ fram mot siste helga i januar. Lag trekker seg eller vi kan vurdere å ta med fleire lag, etter kvart som vi ser korleis ting lagar seg.



Engelske lag


Fleire engelske lag er interesserte i å få delta i veteranklassen siste helga i januar. Styret har valgt å gi klarsignal til 2 klubbar som ikkje har delteke tidlegare. Om desse blir klare, kan det bli ny spenning i hallane! Vi kjem tilbake med meir informasjon etter kvart.

Publisert: mona@sognenett.no