Bursdagsgåva var deltaking i Veterancupen

Då ei av jentene til Lillestrøm Old Girls feira 40 år, var gåva frå vennegjengen deltaking i årets Veterancup.

– Ho vart nok litt sjokkert, men den vart godt motteken. Og den sto faktisk øverst på ønskelista hennar, seier Hege Glesåen Storløkken, lagleiar for LSK damene.

Korleis er stemningen i laget ei knapp veke før turneringa vert sparka i gang.

– Veldig bra. Me er sju jenter som har spelt saman sidan me var aktive og spelte i seriesystemet. Fyrst med Team Strømmen i 2008-2009, deretter i LSK kvinner, seier Hege.

Skippertak
Inn mot Veterancupen ligg damene i hardtrening.

– Det er sjølvsagt viktig å vere i god fysisk form. Her er nok enkelte komne litt lengre enn andre, så no handlar det om skippertak seier Hege. Laget tok nyleg bronsemedalje i KM for Akershus, der dei mellom anna slo LSK sitt rekruttlag.

– Me lever lenge på den, seier ho. Målsetjinga deira i Veterancupen er å spele god fotball så får ein sjå kor langt det rekk.

– Me har ein del vinnarskallar på laget som er vanskelege å temje, men me står på så lenge kroppen held.

Sosialt
Lillestrøm oldgirls damer meiner kampane er viktige, men like mykje betyr det sosiale. Kanskje møte nokre damer dei har spelt mot tidlegare.

– Og me er veldig gode på fest, seier Hege.

Lsk rosar Veterancupen sitt initiativ med å få Ukraina sine spelarar med i turneringa.

– Et veldig flott tiltak, som me set veldig stor pris på, seier Hege Glesåen Storløkken. Ho tek med seg desse damene til Lærdal: Bente Haakaas, Maritha Kaufmann, Kristine Vea Kjølen, Linn Skaalerud, Hilde Dalen, Lene Storløkken Gran.

Tekst: Steinar Kvigne