Årets happening

– Då kampoppsettet var klart tok det fyr i heile spelargruppa. Me gledar oss og er kjempeklare, dette er noko alle har sett fram til, seier Grethe-Karin Hellesund Eide, sotradamene sin sisteskanse.

– No er endeleg heile gjengen blitt så gamle at me kan spele i veteranklassen, så det blir bra, seier Grethe-Katrin.

Alle foto: privat

Bånn gass
Ho meiner laget er i brukbar fysisk form.

– Ja ikkje så aller verst, den har no i alle fall vore verre. Ein ting er sotradamene bestemt på, når domaren bles i fløyta er det bånn gass så lenge kreftene held. Me skal i alle fall ikkje tapa alle kampane, det er heilt uaktuelt, seier Grethe-Karin. Sotragjengen dreg og fram det sosiale aspektet med Veterancupen.

– Det sosiale er nesten like viktig som det sportslege. Litt som i Mesternes Mester. Lagfølelsen er svært viktig, men når fløyta går er ein rett i konkurransemodus, avsluttar Grethe-Karin Hellesund Eide.

Laget frå Sotra har delteke i Veterancupen i mange år, nokre av spelarane har vore med heile vegen, medan nokre er nye.

Desse er med i år: Grethe-Karin Hellesund Eide, Linda Vågheim, Veronica Merkesdal, Nina Askeland, Olaug Sekkingstad, Marit Molland, Susanne Thorvaldsen, Sara Rong, May Therese Rong

Tekst: Steinar Kvigne