Stordal – ei bygd med lange tradisjonar i Veterancup

Stordal I.L. er ein av gjengangarane i Veterancup. Dei  har opp gjennom åra vore med i alle herreklassane, og  det (førebels) sportslege høgdepunktet kom i 2002 med siger i old boys. Dei har også vore i fleire finalar.

I aktiv herrefotball held Stordal til i 5. divisjon på Sunnmøre med ein 4. plass i 2014 som ferskaste resultat. Stordal er alltid ein outsider å sjå opp for i Veterancup. Me må i same slengen nemna at Stordal I.L. driv allsidig der me bit oss merke i mange gode alpinresultat på landsplan.

Stordal Møbel er viktigaste industriverksemda i kommunen. Dei har i mange år vore ein svært god støttespelar for Veterancup med sponsinga av skinnstolen til turneringa sin beste spelar. Det er ein pris som heng høgt blant spelarane. Takk for flott støtte! Stordal Møbel vart grunnlagt i 1932, og har såleis i over 80 år laga møblar av høg kvalitet. Dei har om lag 20 tilsette.

Stordal kommune ligg ved Storfjorden på Sunnmøre. Kommunen har litt over tusen innbyggjarar, og jordbruk og møbelindustri er viktigaste næringsvegane. Me kan nemna at ordførar Charles Tøsse er ivrig deltakar i Veterancup.

Me ynskjer Stordal I.L. velkomne til Veterancup!

 

Lars Einar Torsnes