Vega I.L. – eit nytt skot på stammen i Veterancup

Vega I.L. er eit nytt tilskot blant delatakarane i Veterancup. Dei deltek i veteran 40. Me har hatt ein prat med primus motor Frank Nilssen.

Vega I.L. er ikkje berre nye i Veterancup, dei er samstundes det første laget frå Nordland som er med. Dei vart tipsa om cupen av sambygdingen Hugo Hansen, tidlegare Bryne-spelar som i år deltek i Veterancup for Viking.  Laget er sett saman av folk frå Vega, men dei bur noko spreidd kringom i fedrelandet. Dei har også eit lag, Vegakameratene, som er heilt i norgestoppen i aktiv Futsal. Vega I.L. spelar til dagleg i 5. divisjon, men dei har stort sett halde til eit hakk eller to høgare oppe.

Når det gjeld ambisjonar for cupen er dei noko usikre, men dei satsar på å vinna fleire kampar enn dei taper. Uansett så seier Frank at det sosiale med ein liten fest og ein stilig bankett er det viktigaste med slike turneringar. Det er kanskje dei fleste samde i?

Me ynskjer uansett Vega velkomne til Veterancup!

 

Lars Einar Torsnes