Tittelforsvarar Ham-Kam er i rute!

Ham-Kam er, med sine fem finalesigrar, mestvinnande i klasse veteran 40. Me har hatt ein prat med Terje Kojedal.

Terje fortel at dei kjem med stort sett same lag som føregåande år. Dei er rett nok blitt eitt år eldre alle mann, i alle høve om ein ser på fødselsattesten. Terje rapporterer om ein entusiastisk gjeng som gler seg til Veterancup, som alltid. Veterancupen er eit populært tiltak som får mykje skryt, Terje vil på vegner av laget takka alle som er med på å gjera dette til årets happening for fotballfolket.

Det er ikkje berre kollektivet Ham-Kam som har forsynt seg av premiefatet. Me kan også nemna at spelarar som Svein Jota og Mads Brandstorph sit i kvar sin gode skinnstol frå Stordal som prov på at dei har vore Veterancup sin beste spelar.

Når det gjeld ambisjonar for årets turnering, så seier det seg sjølv at Ham-Kam går for gull og ekte hat-trick. Terje lovar full innsats, men skulle det gå skeis med fotballen, så garanterer han at bankettformen er i orden.

Me takkar for praten og ynskjer vel møtt til cup I Lærdal.

Lars Einar Torsnes