Tottenham klar for veterancup
Tottenham Hotspur melder sin ankomst til Veterancup 2014 med fire kjende spelarar med lang fartstid på White Hart Line.
Andy Sinton (bildet), Mark Falco, Garry Brooke og John Lacy kjem frå London for å måle krefter med andre på Veterancupen. Sinton er tidlegare landslagsspelar.
– Dei får med seg tre lokale veteranar frå Jotun, seier Alf Roger Lereng i Indre Sogn Bil, som er med å sponsar dei fire Spurs-spelarane til Sogn.
Sinton har 684 kampar i engelsk fotball og 12 på det engelske landslaget. Brooke spelte 78 kampar for Tottenham og scora 25 mål for laget mellom 1978 og 1985. Falco spelte samstundes og har 164 kampar og 68 mål. Lacy fekk 104 kampar og står bokført med to mål.
I tillegg til å konkurrere under Veterancupen, skal Falco og Brooke delta på eit treningsopplegg for unge fotballspelarar i Årdal veka etter Veterancupen. John Lacy har også erfaring med fotballskule i Sogn for ei tid attende. For Andy Sinton er dette første turen til Sogn.
