Jondal oldboys kjem tilbake også i år…
Me har teke ein prat med primus motor, Atle Sollesnes.
Jondal I.L. frå Hardanger har dei seinare åra vore trufaste deltakarar i veterancupen. Trass i at Jondal er ein liten kommune, om lag 1000 innbyggjarar, så har dei fått fram ein del gode fotballårgangar som altså no blømer blant dei godt vaksne. Jondal har delteke i veterancupen sju gonger, og dei har kome til old boys-finalen ved to høve.For sportrsinteresserte er vel Jondal best kjend for Folgefonna Sommarskisenter, eit mykje brukt anlegg for både amatør og proff.
Jondal deltek med 8-10 mann, noko usikkert i skrivande stund. Dette er stort sett gamle travarar som har vore med heile tida. Atle omtalar veterancupen som årets happening, ein fin sjanse til å koma saman ei helg. Han ser det sosiale som den klart viktigaste grunnen til å vera med. Det er kjekt å møta likesinna, anten dei har spelt i 6. divisjon eller på toppnivå.
Sidan Jondal har hevda seg ved nokre høve, er ambisjonane å prøva å koma lengst mogeleg. Atle ser Jotun som ein klar favoritt, men også Stryn kan verta farlege.
Me ynskjer Jondal I.L. velkomne til Veterancup.
for nettsida: Lars E. Torsnes
Publisert: ruthl@mail.ardalsnett.no