Sandviken Veteran er klar for Veterancup!

Me har hatt kontakt med Mette Hammersland i Sandviken sitt veteranlag.  Dei har vore med heile vegen sidan damene kom med i Veterancupen i 2002.
 Dei mønstrar stort sett same gjeng som før, noko som borgar for liv både på og utanfor banen.  Trine Tviberg,
tidlegare A-landslagsspelar, er tilbake etter nokre års fråvere, ein klar styrke i følge Mette.

Sandviken veteran sine forventningar er at ”vi skal klare oss”.  Det vil seia å ha det moro både på og utanfor banen, for ikkje å seia på både fotball- og danseparketten.  Dei ser fram til å spela mot ungjenter som berre så vidt har runda 40.  I tillegg har Sandviken eit old girls-lag med stammen av dei som blei cupmeistrar i 95.

Mette nevner fleire gode grunnar til at dei er med i Veterancupen.  Dei viktigaste er at fotball er gøy og at det er veldig kjekt sosialt, både i oppkøyringa og under sjølve cupen.  Det er kjekt å treffa fotballvenner som ein ikkje ser så altfor ofte, gjerne berre denne eine gongen i året.

På vårt spørsmål om kven som er favorittar i klassen, held Mette ein knapp på Klepp og kanskje Trondheims-Ørn.  Kanskje Sandviken seglar opp som vinnarkandidat på banketten?

Me ynskjer Mette og Sandviken velkomne til Veterancupen!

For nettsida: Lars Einar Torsnes

Publisert: ruthl@mail.ardalsnett.no