Informasjon

Også i år ser vi rekordstor pågang med lag til Veterancup. Vi har over 50 lag påmelde, og fleire lag som no ligg på venteliste. Og vi skriv framleis oktober 2009… Det er flott for arrangøren å sjå at interessa er så stor, og vi gledar oss stort til Veterancup 2010!

Som tidlegare år er det ein del spørsmål rundt det praktiske, som til dømes overnatting. Styret i Veterancup jobbar med dette kontinuerlig.

Alle har nok fått med seg at vi ikkje har nok overnattingsplassar i Lærdal. Men andre gode alternativ er under vurdering, så det skal bli muleg for oss å ta imot like mange som i 2009. Vi regnar med å komme med meir konkret informasjon om dette, i løpet av veke 43.

Vi vil oppmode flest mogleg om å melde seg inn som abonnentar på nyhende! Dette er gratis, og slik får de nyhende direkte til mailen dykkar, når heimesida vår blir oppdatert! Det er ein enkel prosess, så hiv deg rundt! Det vil bli meir aktivitet på sida vår etter kvart som vi nærmar oss desember og januar. Og DET er ikkje lenge til!

I mellomtida håpar vi folk nyttar gjesteboka til litt skriverier! Ein munter tone med litt mimring eller framtidsvyer for fotball-cupen vår er alltid spennande for lesarmassen og kose seg med!

Om nokon kjem i ’limerick’-modus, så køyr på!  Då tek vi likså godt ein følgjetong, og ein liten konkurranse på beste limericket fram til cupen! Send gjerne ’ballen’ vidare til ein du ynskjer å utfordre i så fall!